Sabtu, 21 Januari 2012

Saat Rahwana Jatuh Cinta

"Lu ngaca noh di comberan, kagak bakal nemu tuh wajah lu!!!" umpat Lusy.
Gue cuman bengong sambil duduk melongo di bawah pohon asem depan kosan. Ape salah gue Lus??? tanya batin gue, emang sih gue kagak kayak si Anton yang punya body anak Gym, dan juga gue kagak kayak si Benny yang naiknya merci, tapi gue tau mereka semua tuh kagak tulus ama lu. Lusy, cewek yang gue taksir semenjak gue duduk di bangku kuliah, tetangga gue anaknya Pak Kades. Gue harusnya sadar diri, anak tukang soto depan Pasar yang bisa kuliah karena Bapak Emak gue jual tanah warisan, buat biaya kuliah gue. Karena gue mau Lusy tau, kalo gue juga bisa kuliah. Selama ini gue rajin masuk kuliah, gue kagak bejat lagi kayak dulu, yang suka nyabung ayam, judi, mabok ama narkoba. Gue dah sadar, tapi pandangan Lusy ama keluarganya ke gue, dah kayak gue ini seorang kriminal kelas kakap yang kudu dijauhi. Bapak Emak gue cuman bisa bilang "Sabar aje ye Tong, ntar juga mereka pada sadar kalo elu dah berubah". Ah emak, cuman nyenengin ati gue aja, capek deh. Gue kadang bertanya, "apa karena gue dulu mantan preman, yang bejat dan kagak tau aturan, trus gue kagak boleh jatuh cinta???". Apa gue sehina itu? Lama-lama gue pikir, Lusy emang kagak bakalan suka ama gue. Buat ngeliat gue aja, dia ogah. Gue dah kayak barang najis buat dia. Gue mang bukan Arjuna, yang rupawan, lemah lembut terhadap wanita, hingga berjuta wanita menggandrunginya. Gue ini Harun, mantan orang bejat yang sedang proses berubah jadi yang lebih baik. Kata orang-orang, Tuhan Maha memaafkan, gue yakin Tuhan tau kalo gue mau berubah. Gue dah tinggalin semua yang dulu jadi kebiasaan buruk gue. Gue dah rajin solat dan ngaji, kayak apa pesen Bapak Gue sebelum meninggal tiga tahun lalu. Gue cuman pengen liat Emak gue bahagia. Dengan dapetin hatinya Lusy, gue pikir Emak gue bakal bahagia, karena didapetin mantu cakep.

"kagak usah nyari yang cakep Run, lu tau sendiri, muke lu aja pas2an, nyari yang sholehah aja, dah cukup buat emak, kagak usah cakep2, ntar ngidupinnye susah...beli bedak, beli pensil alis, yang ada lu tekor saben hari...." omel Emak, waktu gue utarain niat gue wat ngelamar si Lusy.
"pan gue sukanya ama si Lusy Mak, kagak ma yang lain...kalo gue kagak demen, gue ogah kawin ma tuh perempuan..."
"Lah si Lusy mau kagak ama Lu? denger ye Harun, lu tau Bapak lu dah kagak ada, Emak juga bukan orang kaya kayak babenya si Lusy, apa cie kelebihannye si Lusy mpe bikin lu klepek2 kayak gini???" tanya emak penasaran.
"Gue kagak demen ama yang lain Mak, gue maunya ama si Lusy, Titik!!!"

Emak cuman geleng-geleng, ngeliat sikap gue. Tuhan kan Maha Adil. Yang cakep dapet Jelek, dan yang Jelek dapet cakep. Itu namanya saling melengkapi. Nah, apa salahnya kalo gue yang kagak begitu cakep gini dapetin bini kayak si Lusy, itu kan adil namanya. Gue besok mau ke rumah si Lusy wat ngelamar, udah ratusan kali gue nglamar, ratusan kali juga lamaran gue ditolak.

"lu lagi,,lu lagi, mau ngapain?" tanya si Lusy.
"sama kayak yang dulu2 Lus, gue mau nglamar lu wat jadi bini gue..."
"lu kagak bosen apa gue usir, jawaban gue tetep sama, gue mpe kapanpun kagak bakalan mau jadi bini lu, najis!!!"
"mang salah gue apaan sih Lus?? mpe lu benci banget ma gue???"
"lu ngaca ngapa!!! kagak punya kaca???"
"Emang gue kagak cakep, tapi gue kagak cacat, gue tahu si Benny emang cakep, dan tajir pula, tapi gue tulus cinta ama lu lus,,,sungguh...."
"gue dah eneg liat muke lu....sono pergi!!!"

Gue diusir lagi, dengan wajah gue yang tanpa ekspresi gue susuri pematang sawah menuju mushola deket kebon Haji Mahmud. Gue ambil air wudhu, gue mau curhat ama Tuhan. Sapa tau Tuhan lagi kagak sibuk.

"Tuhan, nape si Lusy kagak bisa buka hatinya buat gue?? nape juga orang-orang pada kagak percaya kalo gue udah taubat, kasihan Emak gue ya Tuhan, kasihan juga Bapak gue di sono, bukain pintu hati mereka donk,,,Amien". Gue dah curhat ama Tuhan, dah berdoa juga, moga aja doa gue kali ini, dikabulkan ama Tuhan.

Dua minggu setelah gue curhat ama Tuhan, gue denger kabar kagak baik dari keluarga Lusy. Lusy kecelakaan bareng si Benny pas habis pulang shopping. Si Benny sekarang di rawat di ICU, sedangkan Lusy  masih di ruang perawatan intensif. Lukanya cukup parah, dia musti kehilangan kaki kirinya yang hancur tertindih mobil pas kecelakaan terjadi. Di tambah patah tulang rusuk dan luka pecahan kaca yang ngebuat wajahnya yang mulus itu sekarang tak secantik dulu lagi. Tuhan, gue kagak berdoa agar Lusy celaka, gue cuman minta wat bukain hati dia doank, kagak lebih. batin gue kagak karuan, ngeliat Lusy kagak berdaya kayak gitu. Gue tetep cinta dan sayang ama lu Lus, itu yang bisa gue ucapin dari balik kaca ruang perawatan intensif.

Tiga minggu kemudian, Lusy udah di bawa pulang. semenjak kejadian itu, si Benny kagak pernah nongol lagi buat apel. Mobil mentereng yang dia pake, kagak kelihatan nongkrong lagi di depan rumah Lusy. "Lu kemane ben? si Lusy lagi butuh perhatian lu malah pergi. Kagak jantan Lu!!!" Omel batin gue.

"Ngapain lu kemari, lu mau nertawain gue??? karena gue cacat sekarang!!!! pergi Lu!!!"
Gue cuman diem, mandangin Lusy, cewek yang gue taksir selama tujuh tahun mpe sekarang. Lu tetep cantik di hati dan mata gue Lus.
"PERGI LU!!! gue kagak mau ketemu siapapun!!!!"
"Gue emang bukan Arjuna, yang cakep dan digandrungi banyak wanita. Gue juga bukan orang kaya, yang bisa beliin lu bedak dan perhiasan yang mahal-mahal buat lu. Gue juga sadar, gue dulu emang bejat dan bajingan. Tapi asal lu tahu, bahkan Rahwana yang jahat dan kejam sekalipun bisa jatuh cinta sama Sinta, istri Rama. Apalagi gue, apa gue kagak boleh jatuh cinta dan suka sama lu? apa karena gue anak orang miskin dan tampang gue yang kagak cakep, lu kagak suka dan benci ama gue??? Asal lu tahu Lus, cinta dan sayang gue kagak bakal berubah buat lu, bagi gue lu tetap yang tercantik di mata dan hati gue, dari dulu mpe kapanpun dan bagaimanapun lu sekarang..." kata gue sebelum gue pamit ninggalin Lusy.

Tuhan Maha Bijaksana, dan Adil pula. Makasih Tuhan, udah bikin gue berani bilang apa yang gue rasa, Rahwana kayak gue juga pantas dicintai kayak Arjuna.

Tidak ada komentar:

Poskan Komentar